دلہا 35.54انچ کا ،دلہن 35.88انچ کی ،دنیاکا پستہ قدجوڑا
ریوڈی جنیرو(نیٹ نیوز)برازیل کے جوڑے نے دنیا کا سب سے پستہ قد شادی شدہ جوڑا ہونے کا اعزاز حاصل کرلیا۔
اکتیس سالہ پاؤلو گیبریل ڈا سلوا باروس اور 28 سالہ کاٹیوسیا لی ہوشینو پہلی بار 2006 میں ملے تھے ، شادی کے بندھن میں بندھنے سے قبل یہ جوڑا 15 سال سے زیادہ عرصے تک لانگ پارٹنر شپ میں تھا۔گنیز ورلڈ ریکارڈ کے مطابق جوڑے کی مشترکہ اونچائی 181.41 سینٹی میٹر( 5 فٹ 9 انچ) ہے ۔ پاؤلو کی اونچائی 90.28 سینٹی میٹر( 35.54انچ) ہے جبکہ کیٹیوسیا کی اونچائی 91.13 سینٹی میٹر( 35.88انچ) ہے ۔اس جوڑے کا کہنا ہے کہ ہم چھوٹے ضرور ہیں لیکن ہمارے دل بڑے ہیں،ہماری زندگی میں ایک دوسرے کیساتھ ساتھ ہر ایک کیلئے بہت پیار ہے ۔ ہماری زندگی چیلنجز سے خالی نہیں لیکن ہم بہت خوش ہیں کہ مل کر مشکلات سے نمٹ سکتے ہیں۔
روزنامہ دنیا ایپ انسٹال کریں
