بھارت میں ریسٹورنٹ کا تھری ڈی اشتہاری بورڈ وائرل
بنگلورو(نیٹ نیوز)بھارتی شہر بنگلورو میں ایک تھری ڈی بل بورڈ نے مقامی مسافروں میں حیرت اور تشویش کی آمیزش کو جنم دیا ہے۔
ایک مقامی ریسٹورنٹ بنگلورو تھنڈیز کی تشہیر کرنے والے اشتہار میں ایک آدمی کو فلٹر کافی ڈالتے ہوئے دکھایا گیا ہے جس کے تین جہتی اثر کے ساتھ ایسا لگتا ہے جیسے یہ شخص بل بورڈ سے باہر نکل رہا ہے اور راہگیروں کو بھاپ والا کپ پیش کرے گا۔ریسٹورنٹ نے اپنے انسٹاگرام پر بل بورڈ کی ایک ویڈیو شیئر کی جس کے کیپشن کے ساتھ لکھا کہ ایک دن میں 3 نئے مقامات پر برانچ کھولی گئی ہے ! اچھی پوڈی مسالہ اور فلٹر کافی کے لیے جگہیں کبھی بھی کافی نہیں ہوسکتیں۔بہت سے لوگوں نے تخلیقی صلاحیتوں کی تعریف کی ہے اور ایک صارف نے ویڈیو کے نیچے تبصرہ کیا کہ مجھے ویڈیو اور آئیڈیا پسند آیا۔
روزنامہ دنیا ایپ انسٹال کریں
