آن لائن جعلسازی سے بچانے کے لیے ٹول متعارف
لندن(نیٹ نیوز)برطانیہ میں صارفین کو انٹرنیٹ جعلسازیوں سے بچانے کیلئے جعلسازی کی شناخت کرنے والا نیا ٹول متعارف کرا دیا گیا۔
صارفین کسی بھی مشکوک ٹیکسٹ، ای میل یا ویب سائٹ کا سکرین شاٹ اپ لوڈ کریں گے اور دیکھیں گے کہ آیا یہ محفوظ ہیں یا نہیں۔آسک سِلور نامی یہ ٹول واٹس ایپ میں استعمال کیا جاسکتا ہے ۔ صارف کے اس ٹول میں سائن اپ ہونے کے بعد یہ دیگر کونٹیکٹ کی طرح ظاہر ہوگا اور اے آئی کا استعمال کرتے فوری جائزہ لے کر بتائے گا کہ آیا مقصود چیٹ سکیم ہے یا نہیں۔سیٹ اپ کرنے کے بعد صارف کو بتایا جائے کہ آیا ای میل، ٹیکسٹ یا ویب سائٹ محفوظ ہے اور سکیم کو رپورٹ کرنے جیسے اقدام سمیت دیگر اقدام بتائے گا۔غیر منافع بخش اسکیم پروٹیکشن گروپ گیٹ سیف آن لائن نے یہ آلہ بنانے والی کمپنی کے ساتھ اشتراک کیا۔
روزنامہ دنیا ایپ انسٹال کریں
