50 سال پہلے طلاق لینے والے جوڑے کی دوبارہ شادی
نیویارک(نیٹ نیوز) امریکی جوڑا طلاق کے تقریباً 50 برس بعد پھر شادی کے بندھن میں بندھ گیا۔
میڈیا رپورٹس کے مطابق 1975ء میں طلاق لینے والے 89 سالہ فے گیبل اور 94 سالہ رابرٹ وینرچ ایک بار پھر رشتۂ ازدواج میں منسلک ہو گئے ہیں۔دوبارہ شادی کی تقریب میں فے گیبل کے 2 سوتیلے بیٹوں کے علاوہ اس جوڑے کے 14 پوتے پوتیوں، نواسے نواسیوں، 14 پڑ پوتے پڑ پوتیوں، پڑ نواسے اور پڑ نواسیوں اور 2 جڑواں سَپَڑْ پوتے پوتیوں (پڑ پوتے کے بچوں) نے بھی شرکت کی۔اس جوڑے کی شادی امریکی ریاست پنسلوانیا کی لینکاسٹر کاؤنٹی کے علاقے ڈینور میں گزشتہ روز ہوئی۔اس سے قبل 1950ء کی دہائی میں اس جوڑے کی پہلی شادی ہوئی تھی۔ان کے 4 بچے ہیں تاہم 1975ء میں ذاتی وجوہات کی بنیاد پر انہوں نے طلاق لے لی تھی۔
روزنامہ دنیا ایپ انسٹال کریں
