خاتون ڈائن کا روپ دھار کر پیراگلائیڈنگ کرنے لگی
لاہور(نیٹ نیوز)سوشل میڈیا ایپ انسٹاگرام پر ’’ہیلو دیدی‘‘کے نام سے مشہور وینڈی وانگ کے جرات مندانہ پیراگلائیڈنگ سٹنٹ نے سوشل میڈیا صارفین کو دنگ کر دیا ہے ۔
وینڈی وانگ ایک ڈائن کے لباس میں ملبوس جھاڑو پر بیٹھ کر پیراگلائیڈنگ کرتے ہوئے دیکھی جاسکتی ہیں، یہ سٹنٹ فلم ہیری پوٹر سے متاثر ہوکر انجام دیا گیا ہے ۔وینڈی وانگ کے اس ایڈونچر نے ان کی تخلیقی صلاحیتوں سے متعلق بڑے پیمانے پر توجہ اور تعریف وصول کی ہے ۔وائرل ویڈیو میں وینڈی کے منفرد پیراگلائیڈنگ انداز کو دکھایا گیا ہے جس میں ہیری پوٹر سیریز کے مشہور Quidditch مناظر سے موازنہ کیا گیا ہے ۔وہ ویڈیو میں کہتی ہیں کہ آج میں اسکی ریزورٹ کے تمام پیشہ وروں کو اپنی طرف متوجہ کرنے جا رہی ہوں۔ان کے مداح صارفین نے ان کی نئی ویڈیو کو حیرت انگیز قراردیاہے ۔
روزنامہ دنیا ایپ انسٹال کریں
