منا بھائی ایم بی بی ایس امتحان میں نقل کا باعث بن گئی
مہاراشٹر(نیٹ نیوز) سنجے دت کی مشہور فلم مُنا بھائی ایم بی بی ایس سے متاثر ہو کر ایک امیدوار پولیس میں بھرتی کا ٹیسٹ دینے پہنچ گیا۔
ریاست مہارشٹرا میں پولیس میں ڈرائیور کانسٹیبل کی پوسٹ کیلئے امتحان کے دوران کُشنا دلوی نامی امیدوار نے بالی ووڈ فلم منا بھائی ایم بی بی ایس کا سہارا لینے کی کوشش کی ۔ کُشنا کا ٹیسٹ جاری تھا کہ ڈیوٹی پر موجود پولیس اہلکاروں نے اُن کی سرگرمیوں کو مشکوک پایا، اس دوران اہلکاروں کو معلوم ہوا کہ امیدوار کے الٹے کان میں ایک انتہائی چھوٹی خفیہ ڈیوائس لگی ہے جو موبائل بلوٹوتھ سے منسلک تھی۔ امیدوار کے 2 دوست سچن بھاسکر اور پردیپ راجپوت ٹیسٹ کے دوران کُشنا سے مسلسل رابطے میں تھے اور اسے سوالات کے جواب بتا رہے تھے ۔پولیس نے کُشنا کے ساتھ سچن اور پردیپ کے خلاف بھی مقدمہ درج کرلیا ۔
روزنامہ دنیا ایپ انسٹال کریں
