دوران شادی بیت الخلا جانے کے بہانے دُلہن زیورات لیکر فرار

دوران شادی بیت الخلا جانے کے بہانے دُلہن زیورات لیکر فرار

ممبئی (نیٹ نیوز) ایک دلہن شادی کی تقریب کے دوران باتھ روم جانے کے بہانے زیورات اور نقدی چرا کر بھاگ گئی۔

اترپردیش میں بھرویہ کے شیو مندر میں 40 سالہ کملیش کمار اپنی پہلی بیوی کی موت کے بعد دوسری شادی کررہے تھے ۔سیتا پور کے گووند پور گاؤں کے کسان کملیش نے میڈیا سے رابطہ کیا جبکہ پولیس کا کہنا ہے کہ اس معاملے میں ابھی تک کوئی شکایت درج نہیں کرائی گئی ۔الزامات میں کہا گیا ہے کہ دلہن اپنی ماں کے ساتھ مندر آئی تھی اور اسی طرح کملیش بھی اپنے اہلخانہ کے ساتھ موجود تھا۔کملیش نے بتایا کہ اس نے عورت کو ساڑیاں، بیوٹی پراڈکٹس اور زیورات دیے تھے جبکہ وہ شادی کے تمام اخراجات بھی برداشت کررہا تھا، جیسے ہی رسمیں شروع ہوئیں، دلہن نے بیت الخلا جانے کیلئے معذرت چاہی اور پھر اپنی ماں کیساتھ بھاگ گئی۔

 

روزنامہ دنیا ایپ انسٹال کریں