ترکیہ:کتیا اپنے بچے کی جان بچانے کیلئے کلینک پہنچ گئی

استنبول (نیٹ نیوز) ماں تو ماں ہی ہوتی ہے چاہے انسان کی ہو یا جانور کی، اکثر سنے جانے والے اس جملے کو ویڈیو کی شکل میں اب دنیا بھر میں لاکھوں لوگ دیکھ رہے ہیں۔
غیر ملکی میڈیا کے مطابق ترکیہ میں سوشل میڈیا پر ایک ویڈیو وائرل ہوئی ہے جس میں ایک کتیا کو اپنے ننھے پلے کو گھسیٹتے ہوئے جانوروں کے ایک کلینک میں لاتے ہوئے دیکھا جا سکتا ہے ۔ویڈیو میں نظر آنے والا پلّا بظاہر بہت بیمار لگ رہا ہے جبکہ کتیا کی آنکھوں میں بھی مدد کی درخواست دیکھی گئی۔ جب ڈاکٹر نے یہ منظر دیکھا تو وہ حیران رہ گیا اور اس نے مدد کے لیے پکارتی ماں سے پلے کو لے کر فوری طور پر اس کا علاج شروع کر دیا اور جب تک پلّا وہاں موجود رہا، اس کی ماں وہاں سے جانے کو تیار نہ تھی اور اس نے جگہ نہیں چھوڑی۔ ڈاکٹر کے مطابق اس پلّے کی حالت اب بہتر ہو رہی ہے۔