آواز سے تناؤ کا پتہ لگانے والا اے آئی ماڈل متعارف
لاہور(نیٹ نیوز)جنوبی کوریا میں سیول نیشنل یونیورسٹی بنڈانگ ہسپتال نے ایک اے آئی ماڈل تیار کیا ہے جو 77.5 فیصد تک درستگی کے ساتھ صرف آواز کی بنیاد پر تناؤ کا پتہ لگا سکتا ہے۔
۔100 سے زیادہ کوریائی ورکرز سے حاصل کردہ نمونوں پر تربیت یافتہ اے آئی سسٹم آواز کے لہجے ، اونچائی اور سانس کی تال کا تجزیہ کرکے تناؤ کو ظاہر کرتا ہے ۔سائیکاٹری انویسٹی گیشن میں شائع ہونے والے نتائج، پہلے بائیوسیگنل اے آئی سسٹم کی نمائندگی کرتے ہیں جو آواز پر مبنی تناؤ کے ماڈلز میں سے ایک ہے اور خاص طور پر کوریا کی آبادی کے لیے بنایا گیا ہے ۔تحقیقی ٹیم کے سرابراہ نے انسٹی ٹیوٹ آف نیو میڈیا اینڈ کمیونیکیشنز کے تعاون سے ECAPA-TDNN کا استعمال کیا، یہ ایک اے آئی سسٹم ہے جو اصل میں اسپیکر کی شناخت کے لیے ڈیزائن کیا گیا ہے ۔
روزنامہ دنیا ایپ انسٹال کریں
