سونے کے زیورات کی اے ٹی ایم کے ذریعے فروخت ممکن
شنگھائی(نیٹ نیوز)یہ بات زیادہ تر لوگوں کے لیے ناقابلِ یقین ہو گی کہ اب سونے کے زیورات اے ٹی ایم مشین کے ذریعے فروخت کیے جا سکتے ہیں۔۔
چین کے شہر شنگھائی کے ایک مال نے اس ناقابلِ یقین بات کو حقیقت میں بدل دیا ہے اور ایک ایسی اے ٹی ایم مشین متعارف کروائی ہے جو بغیر کسی کاغذی کارروائی کے صارفین کو صرف 30 منٹ کے اندر سونے کے زیورات بیچنے اور اس کی قیمت وصول کرنے کی سہولت فراہم کرتی ہے ۔اس سمارٹ گولڈ اے ٹی ایم مشین کو چین کے کنگ ہڈ گروپ نے سونے کی اشیاء کے مکمل تجزیے کے بعد اُنہیں پگھلا کر ان کی مناسب قیمت لگانے اور پھر اس رقم کو براہِ راست سونے کی اشیاء بیچنے والے کے بینک اکاؤنٹ میں منتقل کرنے کے لیے ڈیزائن کیا ہے ۔ یہ مشین 3 گرام سے زیادہ وزنی کم از کم 50 فیصد خالص سونے کی اشیاء کو قبول کرتی ہے ۔
روزنامہ دنیا ایپ انسٹال کریں
