برطانیہ کی 115 سالہ خاتون دنیا کی طویل العمر زندہ انسان
لندن(نیٹ نیوز)دنیا میں سب سے طویل العمر انسانوں میں زندہ ایک خاتون برطانیہ میں ہیں، ان کی عمر 115 برس ہے ۔۔
اسکی تصدیق گنیز ورلڈ ریکارڈز نے کی ہے ۔ ایتھل کیٹر ہیم برطانیہ کی بھی طویل العمر انسان ہیں، اس ہفتے انھیں اس حوالے سے نوٹیفکیشن موصول ہوا ہے ۔ اس وقت ان کی عمر 115 برس اور 252 دن ہے ۔ انھوں نے طول العمر انسان کا یہ اعزاز ایناہ کینا بارو لوکاس سے لیا ہے ، جو 30 اپریل 2025 کو برازیل میں 116 برس اور 326 دن کی عمر میں انتقال کر گئی تھیں۔ اس طرح ایتھل کیٹر ہیم نے دنیا کی معمر ترین انسان ہونے کا اعزاز 115 برس اور 252 دن کی عمر میں حاصل کیا۔ وہ برطانیہ سے یہ اعزاز اور ریکارڈ بنانے والی پہلی شخصیت ہیں۔ برٹش کاؤنٹی سرے سے تعلق رکھنے والی ایتھل کیٹر ہیم 21 اگست 1909 میں پیدا ہوئیں۔
روزنامہ دنیا ایپ انسٹال کریں
