انسان نما روبوٹس روزانہ 17گھنٹے کام کرنے لگے
بیجنگ(نیٹ نیوز)چین میں مصنوعی ذہانت سے چلنے والے انسان نما روبوٹس صنعتی انقلاب کی تیاری میں مصروف ہیں۔چین کے شہر شنگھائی میں واقع ایک وسیع گودام میں درجنوں انسان نما روبوٹس روزانہ 17 گھنٹے کام کرتے ہیں۔
ان روبوٹس کو ٹی شرٹ تہہ کرنے ، سینڈوچ بنانے اور دروازے کھولنے جیسے کام بار بار سکھائے جا رہے ہیں۔ ان کا مقصد ایک ایسا ڈیٹا بینک تیار کرنا ہے جس سے ان روبوٹس کی تربیت کی جا سکے تاکہ وہ مستقبل میں انسانی زندگی، روزگار اور طرزِ زندگی کو بدل سکیں۔یہ منصوبہ چینی سٹارٹ اپ ایجی بوٹ AgiBot کا ہے ، جو چاہتا ہے کہ ایک دن یہ روبوٹس نا صرف فیکٹریوں میں کام کریں بلکہ اپنے جیسے روبوٹس کی تیاری بھی خود کریں۔چینی صدر شی جن پنگ نے گزشتہ ماہ شنگھائی میں ایجی بوٹ AgiBot کی فیکٹری کا دورہ کیا اور مزاحیہ انداز میں کہا کہ شاید ایک دن یہ روبوٹس فٹبال ٹیم میں بھی کھیلیں۔
