شطرنج کے لیجنڈ کا 1لاکھ 43ہزار کھلاڑیوں سے مقابلہ
اوسلو(نیٹ نیوز))شطرنج کے لیجنڈ میگنس کارلسن نے ایک آن لائن میچ میں بیک وقت دنیا بھر سے ایک لاکھ 43 ہزار کھلاڑیوں کے ساتھ شطرنج کھیلی۔
میگنس کارلسن کا شمار شطرنج کی تاریخ کے بہترین کھلاڑیوں میں کیا جاتا ہے اس لیے ‘چیس ڈاٹ کام’ نامی ویب سائٹ نے ‘میگنس کارلسن بمقابلہ ورلڈ’ کے ٹائٹل سے ایک میچ کا انعقاد کیا۔اس میچ میں 34 سالہ لیجنڈ نارویجن کھلاڑی کو پوری دنیا سے شطرنج کھیلنے کے شوقین افراد کے خلاف میچ کھیلنا تھا۔ 2013ء سے 2023ء تک عالمی چیمپئن رہنے والے میگنس کارلسن نے یہ میچ 4 اپریل کو کھیلنا شروع کیا جو 6 ہفتوں سے زائد وقت تک جاری رہا اور آخر کار پیر کو یہ میچ ڈرا ہوگیا۔میگنس کارلسن کا اس میچ کے بارے میں کہنا تھا کہ تمام کھلاڑیوں نے اچھا کھیلا اور مجھے اچھی چال چلنے کا ایک بھی موقع نہیں دیا۔
روزنامہ دنیا ایپ انسٹال کریں
