93 سالہ خاتون نے سدا بہار جوانی کا راز بتا دیا
سیئول (نیٹ نیوز)جنوبی کوریا کی 93 سالہ لی گل نامی خاتون نے اپنی سدا بہار جوانی کا راز بتاتے ہوئے کہاہے کہ وہ ایک معمول کے تحت زندگی گزارتی ہیں۔۔
، تمباکو نوشی اور الکحل سے گریز کرتی ہیں، کافی کی جگہ چائے پینا پسند کرتی ہیں اور دن بھر میں ڈیڑھ لیٹر پانی پیتی ہیں۔ان کے کمرے میں ایک humidifier مسلسل چلتا رہتا ہے ۔انہوں نے بتایا کہ وہ بہت زیادہ تناؤ سے بچنے کی کوشش کرتی ہیں جبکہ ایک کلینک سے لیزر ٹریٹمنٹ بھی اکثر کرواتی ہیں۔لی گل کے مطابق پچپن میں وہ اکثر غریب افراد کو مرتے ہوئے دیکھتی تھیں جس کی وجہ مناسب طبی سہولیات کی عدم دستیابی تھی جس کے بعد انہوں نے ڈاکٹر بننے کا فیصلہ کیا۔امریکا اور جاپان میں تعلیم حاصل کرنے کے بعد 1958 میں انہوں نے ایک کلینک کھولا تھا اور ان مریضوں کا علاج کرنا شروع کیا جو علاج کا خرچہ نہیں اٹھا سکتے تھے۔انہوں نے کبھی شادی نہیں کی اور ان کے مطابق 'میرے مریض اور طالبعلم ہی میرے لیے اولاد کی طرح ہیں'۔
