31گھنٹے تک سٹیل پین بجانے کا انوکھا ریکارڈ
ٹرینیڈاڈ(نیٹ نیوز)ٹرینیڈاڈ اینڈ ٹوباگو سے تعلق رکھنے والے ایک موسیقار نے 31 گھنٹے تک لگاتار سٹیل پین بجا کر گنیز ورلڈ ریکارڈ قائم کر دیا۔
گنیز ورلڈ ریکارڈز سے گفتگو کرتے ہوئے 28 سالہ جوشوا ریگریلو نے بتایا کہ وہ پانچ سال کی عمر سے سٹیل پین بجا رہے ہیں۔ ان کے والد نے ایک معروف ٹرِنبیگونین سٹیل بینڈ بنایا تھا، اس لیے ان کی پرورش موسیقی کے ساتھ ہوئی ہے۔ ان کا کہنا تھا کہ ان کی ریہرسل عموماً رات گئے تک چلتی تھیں اور وہ ہمیشہ وہاں ہوتے تھے۔ سٹیل پین کوئی ایسی چیز نہیں جس کا انتخاب انہوں نے کیا ہو بلکہ وہ سٹیل پین کے لیے پیدا ہوئے ہیں۔ اس نے کئی طریقوں سے ان کا انتخاب کیا ہے ۔فل ٹائم موسیقار اور آن لائن کانٹینٹ تخلیق کار نے 31 گھنٹوں تک لگاتار آلہ بجا کر طویل مدت تک سٹیل پین/سٹیل ڈرمز بجانے کا گنیز ورلڈ ریکارڈ قائم کیا۔
روزنامہ دنیا ایپ انسٹال کریں
