آلودہ فضا میں سانس لینا دماغ کیلئے بھی خطرناک
کوپن ہیگن (نیٹ نیوز)نئی تحقیق میں بتایا گیا ہے کہ آلودہ فضا میں سانس لینا صرف پھیپھڑوں کو ہی نقصان نہیں پہنچاتا بلکہ دماغ کے عام سے ٹیومر کے خطرات میں بھی اضافہ کر سکتا ہے ۔
سائنس دانوں نے تحقیق میں ہوا میں موجود متعدد آلودہ مواد کا جائزہ لیا جن میں عموماً کا تعلق ٹریفک سے ہوتا ہے ، جیسے کہ نائٹروجن ڈائی آکسائیڈ اور انتہائی باریک ذرات جو اکثر شہری ماحول میں پائے جاتے ہیں۔جرنل نیورولوجی میں شائع تحقیق میں معلوم ہوا کہ جن لوگوں پر آلودگی کی قسم منکشف ہوتی ہے ان میں میننگیوما نامی غیر کینسر زدہ دماغی ٹیومر پنپنے کے زیادہ امکانات ہوتے ہیں۔کوپن ہیگن میں قائم ڈینش کینسر انسٹیٹیوٹ کے ڈاکٹر اولا ہیوڈفلڈ کا کہنا تھا کہ انتہائی باریک ذرات اتنے چھوٹے ہیں کہ خون اور دماغ کے درمیان حائل رکاوٹ کو عبور کرجاتے ہیں اور ممکنہ طور پر براہ راست دماغ کے بافتوں کو متاثر کر سکتے ہیں۔
