اے سی سے نکلنے والا پانی ہماری سوچ سے زیادہ قیمتی
لاہور(نیٹ نیوز)اے سی سے نکلنے والا پانی، جسے اکثر لوگ فضول سمجھ کر ضائع کر دیتے ہیں، درحقیقت بہت قیمتی ہو سکتا ہے ،جب اے سی گرم اور مرطوب ہوا کو ٹھنڈا کرتا ہے۔۔۔
تو ہوا میں موجود نمی کنڈینس ہو کر پانی کی شکل میں آپ کو اے سی کے پائپ سے نکلتا ہوا نظر آتا ہے ۔یہ پانی کیمیکل سے پاک ہوتا ہے ۔ یہ پودوں کو دینے کیلئے بہترین ہے ۔ علاوہ ازیں اے سی کا پانی فرش، گاڑی، کھڑکیاں اور باتھ روم وغیرہ دھونے کیلئے صاف اور گرد و غبار سے پاک پانی ہوتا ہے ۔ اگر محفوظ طریقے سے جمع کیا جائے تو اسے کپڑوں یا برتنوں کو دھونے کیلئے استعمال کیا جا سکتا ہے ۔یہ پانی distilled water سے ملتا جلتا ہوتا ہے اس لیے بیٹری یا استری میں بھی استعمال ہو سکتا ہے ، بشرطیکہ اے سی میں کوئی زنگ یا گندگی شامل نہ ہو۔تجربات، کولنگ ٹاورز یا دیگر صنعتی مشینوں میں بھی اے سی کا پانی استعمال ہو سکتا ہے ۔
