چین ،بڑی عمر کے افراد میں چوسنیوں کا رجحان عام کیوں
بیجنگ(نیٹ نیوز)حال ہی میں چین میں بڑی عمر کے افراد میں ذہنی تناؤ کو کم کرنے کیلئے چوسنیاں متعارف کرائی گئی ہیں۔۔
جس نے مقبول ٹرینڈ کی شکل اختیار کرلی ہے ۔ رپورٹس کے مطابق بڑوں میں ڈپریشن کم کرنے کیلئے adult pacifiers استعمال کرنے کا ایک غیر معمولی ٹرینڈ بنتا جارہا ہے ۔ جسے لوگ ذہنی دباؤ، نیند میں مشکل یا سگریٹ چھوڑنے کے لیے آرام دہ احساس کی غرض سے استعمال کر رہے ہیں۔ یہ چوسنیاں بچوں کی چوسنیوں سے قدرے بڑے سائز میں دستیاب ہوتی ہیں،کچھ استعمال کنندگان نے ان چوسنیوں کو بچپن کے احساس اور نفسیاتی سکون کی صورت میں مفید قرار دیا ہے ۔چینی ڈاکٹر تینگ کاؤمین نے وارننگ دی ہے کہ اگر اس کا استعمال روزانہ تین گھنٹے سے زیادہ ہو تو ایک سال میں دانتوں کی صف بندی خراب ہوسکتی ہے ، منہ کھولنے میں درد اور چبانے میں دشواری ہو سکتی ہے ۔
روزنامہ دنیا ایپ انسٹال کریں
