ای سگریٹ سے بھی ذیابیطس کا خطرہ بڑھنے کا انکشاف
لاہور(نیٹ نیوز)نئی تحقیق سے معلوم ہوا ہے کہ ای سگریٹ سمیت منہ کے ذریعے استعمال کیے جانے والے تمباکو کے استعمال سے بھی سگریٹ نوشی کی طرح ذیابیطس ٹائپ 2 کے شکار ہونے کا خطرہ بڑھ جاتا ہے۔
یورپین ایسوسی ایشن فار دی سٹڈی آف ذیابیطس کے سالانہ اجلاس میں پیش کیے گئے نتائج کے مطابق دھویں کے بغیر والے تمباکو کے استعمال سے بھی ذیابیطس ہونے کے خطرات سگریٹ نوشی جتنے ہی ہوتے ہیں۔تحقیق میں ناروے اور سویڈن کے پچھلے مطالعوں سے حاصل کردہ ڈیٹا کا جائزہ بھی لیا گیا، محققین نے شرکا کے تمباکو نوشی کے رجحانات پر بھی نظر ڈالی کہ وہ فی الحال سگریٹ پیتے ہیں، پہلے پی چکے ہیں، یا کبھی نہیں پیتے تھے ۔مطالعے کے نتائج سے پتا چلا کہ جن لوگوں نے کبھی خواہ ایک ہی سگریٹ کیوں نہ پیا ہو یا اب ایک سگریٹ پیتے ہوں ان میں ذیابیطس ٹائپ 2 کا خطرہ غیر تمباکو نوشی کرنے والوں کے مقابلے میں زیادہ تھا۔
