آسٹریلیا میں آسمان سرخ ہوگیا، لوگ خوف میں مبتلا
سڈنی(نیٹ نیوز)مغربی آسٹریلیا کے سیاحتی شہر ڈینہم کے آسمانوں پر انتہائی پراسرار منظر ، اچانک آسمان سرخ ہوگیا۔غیرملکی میڈیارپورٹ کے مطابقسرخ آسمان کا نایاب منظر دیکھ کر مقامی و غیر مقامی لوگ حیران و خوف میں مبتلا ہوگئے ۔
اس نایاب منظر کی وجہ طوفان کے وسیع گرد و غبار کے بادل اور مخصوص موسمی حالات تھے ۔ٹراپیکل سائیکلون ناریل ایک تاریخی طور پر غیر معمولی نظام رہا، کیونکہ یہ پچھلے 20 سالوں میں آسٹریلیا کے 3 مختلف خطوں میں لینڈ فال کرنے والا پہلا طوفان تھا۔کوئنزلینڈ اور شمالی علاقہ جات کے بعد یہ بحرِ ہند میں دوبارہ طاقتور کیٹیگری 4 کے سائیکلون میں تبدیل ہو گیا۔رہائشیوں نے ماحول کو پراسرار اور خاموش قرار دیا ۔ شام تک طوفان کی ٹراپیکل خصوصیات کم ہونا شروع ہوگئیں۔ اگرچہ فوری طور پر طوفان کا خطرہ ختم ہو چکا ہے تاہم حکام فلڈنگ کے حوالے سے الرٹ ہیں۔
روزنامہ دنیا ایپ انسٹال کریں
