انجلین ملک کی فلم میں انٹری ،ہالی ووڈ میں جلوے بکھیریں گی
موجودہ حالات میں ملکی فلموں میں سرمایہ کاری کرنے کی پوزیشن میں نہیں:اداکارہ
کراچی (سٹاف رپورٹر) ٹی وی ڈراموں کی معروف اداکارہ و ہدایتکارہ انجلین ملک نے فلموں میں کام کرنے کا فیصلہ کرلیا،انہیں ہالی ووڈ کی فلم میں کام کرنے کی آفر ملی جس کو انہوں نے قبول کرلیا ہے ۔ انجلین ملک نے میڈیا سے گفتگو کرتے ہوئے کہاکہ موجودہ حالات میں ملکی فلموں میں سرمایہ کاری کرنے کی پوزیشن میں نہیں ہوں ، اداکاری کرناہی بہتر ہے اور جلد ہالی ووڈ کی فلم میں اپنی صلاحیتوں کااظہار کرتے ہوئے نظر آؤں گی ۔اداکارہ نے فلم کے نام کے بارے میں کہا کہ یہ ابھی خفیہ ہے اورکچھ پابندیوں کی وجہ سے دیگر تفصیلات بھی نہیں بتاسکتی ۔
روزنامہ دنیا ایپ انسٹال کریں
