پاکستان ، برطانیہ میں ماحولیاتی تبدیلی شعبے میں تعاون کامعاہدہ
وزیرموسمیاتی تبدیلی مصدق ملک اور برطانیہ کی وزیر پلاننگ نے معاہدے پر دستخط کئے
اسلام آباد (دنیا نیوز)پاکستان اور برطانیہ کے مابین ماحولیاتی تبدیلی کے شعبے میں تعاون کامعاہدہ طے پا گیا۔وفاقی وزیرموسمیاتی تبدیلی مصدق ملک اور برطانیہ کی وزیر پلاننگنے تعاون کے معاہدے پر دستخط کئے ۔معاہدے کے دستخط کی تقریب سے خطاب کرتے ہوئے مصدق ملک نے کہا موسمیاتی تبدیلیوں کے شعبے میں پاکستان اور برطانیہ کئی سالوں سے تعاون کر رہے ہیں، پاکستان موسمیاتی تبدیلیوں کے بہت برے اثرات سے متاثر ہو رہا ہے ۔ان کا کہنا تھا کہ 4700 افراد سیلابوں میں جاں بحق ہو چکے جبکہ 17ہزار افراد زخمی یا معذور ہوئے ، سیلابوں سے 40ملین افراد بے گھر ہوئے ، سیلابوں سے جو نقصان ہوا ہے وہ ہمارے جی ڈی پی کا بہت بڑا حصہ ہے ۔مصدق ملک نے مزید کہا پاکستان اور برطانیہ موسمیاتی تبدیلی کے شعبے میں تعاون کر رہے ہیں۔ تقریب سے خطاب کرتے ہوئے برطانیہ کی وزیر پلاننگ نے کہا یو کے پاکستان گرین کمپیکٹ معاہدہ ماحولیات کے لئے بہت اہمیت کا حامل ہے ، ہم چاہتے ہیں دونوں ممالک اس پروگرام کے تحت مل کر کام کریں۔
