فوج پیچھے ہٹ جائے تو پختو نخوا حکومت دو دن میں گر جائے :فیصل کنڈی
اسلام آباد(دنیا نیوز)گورنرخیبرپختونخوا فیصل کریم کنڈی نے کہا ہے کہ کوئی افغانی پاکستان آنا چاہتا ہے تو ویزا لے کر آئے ،وفاقی دارالحکومت میں میڈیا سے گفتگو کرتے ہوئے فیصل کریم کنڈی کا کہنا تھا کہ پیپلزپارٹی نے کبھی اداروں کیخلاف بات نہیں کی۔
اُنہوں نے کہا کہ سیاسی مسائل پارلیمنٹ میں حل ہونے چاہئیں،ماضی میں مختلف سیاسی جماعتوں کی قیادت جیلوں میں گئی،خیبرپختونخوامیں امن وامان کی صورتحال سب کے سامنے ہے ، فوج پیچھے ہٹ جائے تو صوبائی حکومت دو دن میں گر جائے ،گورنرخیبرپختونخوا کا کہنا تھا کہ ہم نے پاکستان کھپے کا نعرہ لگا کر ملک کو بچایا، خیبرپختونخوا کو دہشتگردی کاسامنا ہے ، پاکستان میں مقیم افغان مہاجرین کوواپس جانا چاہئے ، یہاں دہشتگردی میں افغان باشندے ملوث ہیں،فیصل کریم کنڈی نے کہا صوبے میں دہشتگردی ہوگی تو کاروبار کیسے چلے گا؟اُن کا مزید کہنا تھا کہ بھارت کو4دن میں شکست دی، آج دنیا پاکستان سے کاروباراوردفاعی معاہدے کرنا چاہتی ہے ۔
