خواتین کو ہراسگی سے بچانے والی جیولری
خواتین کو جنسی ہراسگی سے بچانے کیلئے ’’ پرسنل سکیورٹی جیولری‘‘ متعارف کرادی گئی ہے ۔
لاہور(نیٹ نیوز)خواتین کو جنسی ہراسگی سے بچانے کیلئے ’’ پرسنل سکیورٹی جیولری‘‘ متعارف کرادی گئی ہے ۔بین الاقوامی خبر رساں ادارے کے مطابق امریکہ میں خواتین کو جنسی ہراسگی اور زیادتی کے واقعات سے محفوظ رکھنے کیلئے ایسی جیولری متعارف کرائی گئی ہے ، جسے پہن کر خواتین اپنے اہل خانہ سے رابطے میں رہ سکتی ہیں اور کسی بھی قسم کی ایمرجنسی کی صورت میں اہل خانہ خبردار ہوجائینگے اور خاتون کی لوکیشن کا بھی تعین کیا جا سکے گا۔اس جیولری کو حفاظتی آلات بنانیوالے امریکی ادارے ’’ریوالور‘‘نے تیار کیا ہے ۔ چین اور لاکٹ پر مشتمل اس جیولری کو سمارٹ فون سے منسلک کیا جا سکتا ہے اور جیسے ہی کوئی حملہ آور یا اوباش شخص خاتون کو تنگ کرتا ہے تو یہ ڈیوائس سمارٹ فون ایپس کے ذریعے اہل خانہ کو مطلع کردیتی ہے اس کی مدد سے خاتون کی لوکیشن بھی معلوم کی جاسکتی ہے جس سے خاتون کو فوری مدد دی جاسکے گی۔واضح رہے کہ اس قسم کی سکیورٹی ڈیوائس کی چین اور کنگن کی صورت میں مارکیٹ میں پہلے ہی سے دستیاب ہے
