چین کے چڑیا گھر میں 18پانڈوں کی ایک ساتھ پہلی سالگرہ
چین کے چڑیا گھر میں 18 پانڈوں کی پہلی سالگرہ ایک ساتھ دھوم دھام سے منائی گئی۔
بیجنگ (نیٹ نیوز)چین کے چڑیا گھر میں 18 پانڈوں کی پہلی سالگرہ ایک ساتھ دھوم دھام سے منائی گئی۔چینی صوبے سیچوآن کی کاؤنٹی وینچوآن کے وولونگ نیشنل نیچر ریزرو سنٹر میں ایک یا دو نہیں بلکہ 18پانڈوں کی پہلی سالگرہ کے موقع پر انتظامیہ کی جانب سے نہ صرف ریزرو سنٹر کو خوبصورتی سے سجایا گیا بلکہ پانڈوں کیلئے خصوصی کیک اور تحائف کا بھی اہتمام کیا گیا تھا۔ برتھ ڈے کیک سے لطف اندوز ہوتے ، تحفے حاصل کرنے کی کوشش میں لڑتے جھگڑے اور شرارتیں کرتے پانڈوں کی دلچسپ حرکتوں نے دیکھنے والوں کو خوب محظوظ کیا۔
روزنامہ دنیا ایپ انسٹال کریں
