روئی کے بھاؤ6025تا6175روپے من ریکارڈ
بورے والا کی روئی کے بھا ؤسب سے زیادہ 6ہزار175روپے من رہے 37اور40کلو گرام کے آفیشل اسپاٹ ریٹس میں مندی رہی، کاٹن ایسوسی ایشن
کراچی(اے پی پی)مقامی کاٹن مارکیٹ میں پیر کوروئی کے بھاؤ 6 ہزار 25 روپے سے 6 ہزار 175 روپے فی من رہے۔ کراچی کاٹن ایسوسی ایشن کے مطابق ڈومیسٹک ٹرانزیکشن کے تحت روئی کی فصل برائے 2014-15 کی 5ہزار 800 گانٹھوں کے سودے 6 ہزار 25روپے سے 6 ہزار 175 روپے فی من پر بند ہوئے، سانگھڑ اور میرپورخاص کی روئی کی فی کس 2ہزار گانٹھوں اور ایک ہزار 200 گانٹھوں کے سودے سب سے کم بھاؤ 6 ہزار 25 روپے سے 6 ہزار 100 روپے فی من رہے، اسی طرح شہدادپور کی روئی کی ایک ہزار گانٹھوں کے سودے بھی 6ہزار 25 روپے سے 6 ہزار 100 روپے فی من پر بند ہوئے۔ ایسوسی ایشن نے مزید بتایا کہ بورے والا کی روئی کی 200 گانٹھوں کے سودے سب سے زیادہ ریٹس 6ہزار 175روپے فی من ریکارڈ کیے گئے جبکہ ہارون آباد کی روئی کی 200 گانٹھوں کے سودے 6 ہزار 150 روپے فی من پر بند ہوئے۔علاوہ ازیں روئی کے آفیشل اسپاٹ ریٹس برائے 37.324 کلو گرام اور 40 کلوگرام میں مندی رہی اور پیر کوروئی کے37.324 کلو گرام کے بھاؤ میں 100روپے اور 40کلوگرام کے بھاؤمیں 107روپے کی مندی ریکارڈ کی گئی ،روئی کے آفیشل اسپاٹ ریٹس برائے 37.324 کلو گرام کے نرخ 6ہزار 50روپے اور 40 کلو گرام کے ریٹس 6 ہزار484روپے ہو گئے۔
