عالمی مارکیٹ میں قطری کرنسی18سال کی کم ترین سطح پر
اوپن مارکیٹ میں لین دین بند،منی چینجر نے قطری ریال کا ریٹ دینا بند کردیا سعودیہ اور قطر کے درمیان تعلقات خراب، یو اے ای نے تعلقات منقطع کردیے
کراچی(دنیا نیوز) عالمی مارکیٹ میں قطری کرنسی 18 سال کی کم ترین سطح پر پہنچ گئی ، مقامی منی چینجرز نے گذشتہ تین روز سے قطری ریال کی لین دین مکمل طور پر بند کردی ہے ۔ سعودی عرب اور قطر کے درمیان تعلقات خراب ہونے کے باعث سعودی عرب سمیت بحرین اور یو اے ای کی حکومتوں نے قطر کے ساتھ سفارتی تعلقات منقطع کردیے ہیں ، جس کے باعث عالمی منڈی میں قطری کرنسی بری طرح دباو کا شکار ہے ، قطری ریال 18 سال کی کم ترین سطح پر پہنچ چکا ہے ، موجودہ حالات کے پیش نظر مقامی منی چینجرز نے بھی گذشتہ تین روز سے قطری ریال کی لین دین اور ریٹ دینا بند کردیے ہیں، قطری ریال کو آخری مرتبہ پاکستان میں 29 روپے پر ٹریڈ ہوتا ہوا دیکھا گیا تھا ۔ واضع رہے کہ سعودیہ عرب نے قطر پر دہشت گردی کو فروغ دینے کا الزام عائد کرتے ہوئے سفارتی تعلقات ختم کردیے تھے جس کی حمایت امریکی صدر ڈونلڈ ٹرمپ نے بھی کی تھی۔ اب3 اعشاریہ64قطری ریال پر1ڈالر ملے گا۔
