یواے ای سے ترسیلات زر میں 8فیصدنموریکارڈ
دبئی (این این آئی)متحدہ عرب امارات میں کام کرنے والے پاکستانیوں کی ترسیلات زرمیں نومبرکے دوران سالانہ بنیادوں پر8فیصدکی نمو ریکارڈ کی گئی ۔
اسٹیٹ بینک کے مطابق نومبرکے دوران یواے ای میں کام کرنے والے پاکستانیوں نے 409 ملین ڈالر کا زرمبادلہ ملک ارسال کیا جو8 فیصدزیادہ ہے ۔ گزشتہ مالی سال کی اسی مدت میں یواے ای میں کام کرنے والے پاکستانیوں نے 380 ملین ڈالر کا زرمبادلہ ملک ارسال کیاتھا۔ نومبرمیں یواے ای سے ترسیلات زر میں ماہانہ بنیادوں پر 14 فیصدکی کمی ریکارڈکی گئی ہے، اکتوبرمیں یواے ای سے ترسیلات زرکاحجم 474 ملین ڈالر ریکارڈ کیا گیا جو نومبرمیں کم ہوکر409 ملین ڈالر ہوگیا۔ پہلے پانچ ماہ میں یواے ای میں کام کرنے والے پاکستانیوں نے 1.907 ارب ڈالرکازرمبادلہ ملک ارسال کیا جو2.281 ارب ڈالرکے مقابلہ میں 16 فیصدکم ہے ۔
روزنامہ دنیا ایپ انسٹال کریں
