مسافروں کی دبئی آمد پر مائی ایمریٹس پاس کے ساتھ دلچسپ ڈسکاؤنٹس
کراچی (بزنس ڈیسک)ایمریٹس نے اپنے مشہور مائی ایمریٹس پاس کی واپسی کا اعلان کیا ہے جس کی بدولت مسافروں کو دبئی اور متحدہ عرب امارات میں سیکڑوں مقامات پر خصوصی آفرز سے لطف اندوز ہونے کی سہولت حاصل ہوگی ۔
۔ اس کا آغاز یکم نومبر سے ہورہا ہے اور 25 مارچ 2025 تک کارآمد رہے گا جس کے تحت مائی ایمریٹس پاس کے اہل صارفین اپنے بورڈنگ پاس کا استعمال کرتے ہوئے ریسٹورنٹس، فیملی ڈے آؤٹ، پرسکون اسپا ٹریٹمنٹس، لگژری شاپنگ آؤٹ لٹس، پرائیویٹ پولز سمیت بہت سارے مقامات پر ناقابل یقین ڈسکاؤنٹ حاصل کرسکیں گے ۔ دبئی آنے والے یا براستہ دبئی سفر کرنے والے ایمریٹس کے صارفین آسانی سے اپنا بورڈنگ پاس اور کارآمد شناختی دستاویز پیش کرکے دنیا کے کچھ مشہور ترین مقامات بشمول ایٹ دی ٹاپ برج خلیفہ، آئی ایم جی ورلڈز آف ایڈونچر اور ایکوا وینچر واٹر پارک میں ناقابل یقین آفرز حاصل کرسکیں گے۔
