ڈالر کی قدر میں اضافے کارجحان،تولہ سونا2900روپے مہنگا

 ڈالر کی قدر میں اضافے کارجحان،تولہ سونا2900روپے مہنگا

کراچی(بزنس ڈیسک)زرمبادلہ کی دونوں مارکیٹوں میں بدھ کو ایک بار پھر ڈالر کی پیش قدمی جاری رہی،ادھرسونے کی قیمتوں میں اضافہ ریکارڈ کیا گیا۔

اسٹیٹ بینک کے مطابق انٹربینک میں ڈالر 5 پیسے کے اضافے سے 278.77 روپے پر جاپہنچا ۔فاریکس رپورٹ کے مطابق اوپن مارکیٹ میں ڈالر 15 پیسے بڑھ کر 280.67 روپے کا ہوگیا۔ دوسری جانب عالمی بلین مارکیٹ میں سونا 29 ڈالر کے اضافے سے 2690 ڈالرفی اونس کاہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 2900 روپے کے نمایاں اضافے سے 2 لاکھ 80 ہزار 800 روپے پرجاپہنچا،اسی طرح دس گرام سونا 2487 روپے کے اضافے سے 2 لاکھ 40 ہزار 741 روپے کا ہوگیا ۔ چاندی کی فی تولہ قیمت 3350 روپے پر مستحکم رہی۔

 

روزنامہ دنیا ایپ انسٹال کریں