ڈالر کی قدر میں اضافہ،تولہ سونا 3ہزار روپے مہنگا
کراچی(بزنس رپورٹر)زرمبادلہ کی دونوں مارکیٹوں میں بدھ کو ڈالرمہنگاہوگیا،ادھر عالمی و مقامی مارکیٹوں میں سونے کی قیمتوں میں نمایاں اضافہ ریکارڈ کیا گیا۔
اسٹیٹ بینک کے مطابق انٹربینک میں ڈالر5پیسے کے اضافے سے 280.78 روپے پر جاپہنچا۔فاریکس ایسوسی ایشن آف پاکستان کی رپورٹ کے مطابق اوپن مارکیٹ میں ڈالر 5 پیسے بڑھ کر 282.15 روپے کا ہوگیا۔ دوسری جانب عالمی بلین مارکیٹ میں سونا 30 ڈالر کے اضافے سے 3040 ڈالر فی اونس کا ہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 3 ہزار روپے کے نمایاں اضافے سے 3 لاکھ 21 ہزار روپے پر جاپہنچا۔اسی طرح دس گرام سونے کی قیمت 2572 روپے کے بڑے اضافے سے 2لاکھ 75 ہزار 205 روپے ہوگئی ۔یاد رہے کہ منگل کو سونے کی فی تولہ قیمت دو ہزار روپے کی کمی سے 3 لاکھ 18 ہزار روپے ہوگئی تھی۔
روزنامہ دنیا ایپ انسٹال کریں
