ڈالرکی قدرمیں کمی ،تولہ سونا 3400روپے سستا
کراچی(بزنس رپورٹر)انٹربینک مارکیٹ میں بدھ کو ڈالر کی قدرگھٹ گئی ،ادھرعالمی و مقامی مارکیٹوں میں سونے کی قیمتوں میں کمی ریکارڈ کی گئی۔اسٹیٹ بینک کے مطابق انٹربینک میں ڈالر 5 پیسے کی کمی سے 280.97روپے پرآگیا۔
فاریکس رپورٹ کے مطابق اوپن مارکیٹ میں ڈالر 282.90 روپے پر مستحکم رہا۔دوسری جانب عالمی بلین مارکیٹ میں سونا34 ڈالر کی کمی سے 3276 ڈالر فی اونس کاہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 3400 روپے کی کمی سے 3 لاکھ 45 ہزار 800 روپے پرآگیا۔اسی طرح دس گرام سونے کی قیمت 2915 روپے کمی کے بعد 2 لاکھ 96 ہزار 467 روپے ہوگئی۔یاد رہے کہ منگل کو سونے کی فی تولہ قیمت 2100 روپے کے اضافے سے 3 لاکھ 49 ہزار 200 روپے ہوگئی تھی۔دریں اثناچاندی کی فی تولہ قیمت 70روپے کی کمی سے 3427روپے ہوگئی۔
روزنامہ دنیا ایپ انسٹال کریں
