ڈالر کی پیش قدمی جاری ،تولہ سونا 2600روپے مہنگا
کراچی (بزنس رپورٹر)زرمبادلہ کی دونوں مارکیٹوں میں پیر کو ڈالر کی پیش قدمی جاری رہی جس سے ڈالر کے انٹربینک ریٹ ایک بار پھر 282روپے سے تجاوز کر گئے ۔
ادھر عالمی ومقامی مارکیٹوں میں سونے کی قیمت میں کمی ریکارڈ کی گئی۔اسٹیٹ بینک کے مطابق انٹربینک میں ڈالر9پیسے کے اضافے سے 282.06 روپے پر جاپہنچا۔ فاریکس رپورٹ کے مطابق اوپن مارکیٹ میں ڈالرمزید 14پیسے کے اضافے سے 284روپے 29پیسے کاہوگیا۔دوسری جانب عالمی بلین مارکیٹ میں سونا26ڈالر کی کمی سے 3331ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 2ہزار 600روپے کی کمی سے 3لاکھ 51ہزار 500 روپے کاہوگیا۔اسی طرح دس گرام سونے کی قیمت 2ہزار 228روپے گھٹ کر 3لاکھ 1ہزار 354روپے ہوگئی۔یاد رہے کہ ہفتہ کوسونے کی فی تولہ قیمت 3,100 روپے کے اضافے سے 354,100 روپے ہوگئی تھی ۔دریں اثنا چاندی کی فی تولہ قیمت 3508روپے پر مستحکم رہی۔
