ڈالر کی قدر77پیسے کم،تولہ سونا 2300روپے سستا
کراچی(بزنس رپورٹر)انٹربینک مارکیٹ میں ڈالر کے مقابلے روپے کی قدرمزید بڑھ گئی ،ادھرعالمی و مقامی مارکیٹوں میں جمعہ کو سونے کی قیمتوں میں کمی ریکارڈ کی گئی ۔۔
اسٹیٹ بینک آف پاکستان کے مطابق انٹربینک میں ڈالر77پیسے کی کمی سے 283.45روپے کا ہوگیا۔یاد رہے رہے کہ جمعرات کو مقامی کرنسی 284.22 روپے پر بند ہوئی تھی۔دوسرجانب عالمی بلین مارکیٹ میں سونا 23 ڈالر کی کمی سے 3340 ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 2300روپے کی نمایاں کمی سے 3لاکھ 56ہزار700 روپے کا ہوگیا۔اسی طرح دس گرام سونے کی قیمت 1972 روپے کی کمی سے 3لاکھ 5 ہزار812 روپے ہوگئی۔یاد رہے کہ جمعرات کو فی تولہ سونا 5900 روپے کی کمی سے 3لاکھ 59ہزار روپے ہوگیا تھا۔دریں اثنا چاندی کی فی تولہ قیمت 34روپے کی کمی سے 4023روپے ہوگئی۔
