ٹو بہ ٹیک سنگھ :کمپریسر چلنے کے باعث گلی محلوں میں گیس نایاب
ٹو بہ ٹیک سنگھ (ڈسٹرکٹ رپورٹر )شہرکے اکثر پوش علاقوں کے بااثر صارفین کی طرف سے گھروں میں غیر قانونی کمپریسر لگا کر فل پریشر کے ساتھ گیس حاصل کر نے کے باعث مین پائپ لائن اور شہر کے اکثر گلی۔۔۔
محلوں کی لنک لائنوں میں گیس نایاب ہو گئی ،ذرائع کے مطابق شہر کے مختلف علاقوں محلہ مصطفی آباد ،گؤشالہ ،عوامی بستی اور سر ہند کا لو نی سمیت دیگر علاقوں میں گیس کا انتہائی کم پریشر گھریلو صارفین کیلئے وبال جان بن گیا ہے ، صارفین کا کہنا ہے کہ حکومت کی طرف سے گھریلو صارفین کو گیس کی فراہمی ترجیح ہے ،تاہم حکومتی پالیسی کے برعکس سوئی گیس کے مقامی حکام مذکورہ علاقوں میں گیس کی غیر اعلانیہ لوڈ شیڈنگ کر رہے ہیں اور عین اس وقت جب ناشتے اوررات کے کھانے کی تیاری کا وقت ہوتاہے ، گیس کا پریشر انتہائی کم ہو جاتا ہے ،اس سلسلہ میں سوئی گیس حکام کا کہنا ہے کہ کمرشل و گھریلو صارفین کمپریسر لگا کر غیر قانونی طور پر اپنے پریشر میں اضافہ کر رہے ہیں نشاندہی ہو نے پر ان کے خلاف سخت قانو نی کارر وائی عمل میں لائی جارہی ہے ۔
