سمندری :شاہراہوں اور بازاروں میں تجاوزات کی بھرمار
سمندری (نمائندہ دنیا )شہر کی مین شاہراہوں اور بازاروں میں تجاوزات کی بھرمار، شہریوں کا گزرنا تک محال ہو گیا ۔
تفصیلات کے مطابق سمندری میں قاسم روڈ ، قاسم مین بازار تاندلیانوالہ روڈ ،ڈاکخانہ روڈ ، کچہری بازار ،چکی بازار، نہر بازار ،انار کلی بازار سمیت دیگر کاروباری مقامات پر تجاوزات نے شہر کا حلیہ بگاڑ کر رکھ دیا ہے ،بازاروں میں خریداری کیلئے آنے والے افراد کا پیدل چلنا مشکل ہو چکا ،بازاروں اور مین سڑکوں پر ٹریفک جام بھی معمول بن چکا ۔ حال ہی میں ایک بڑی رقم سے تعمیر ہونے والی قاسم روڈ کے سروس روڈ پر بھی دکانداروں نے قبضہ جما لیا ہے جو صفائی کے نظام کو بھی متاثر کر رہا ہے ۔ شہریوں نے انتظامیہ سے مطالبہ کیا ہے کہ شہر بھر سے تجاوزات کے خاتمے کیلئے موثر حکمت عملی اپنائی جائے ۔
روزنامہ دنیا ایپ انسٹال کریں
