ڈی سی چنیوٹ کا گرلز سکول میں سائنسی نمائش کا افتتاح
چنیوٹ(ڈسٹرکٹ رپورٹر )ڈپٹی کمشنر چنیوٹ صفی اﷲگوندل نے سی او ایجوکیشن ناصر عزیز کے ہمراہ گورنمنٹ گرلز ہائی سکول سیٹلائٹ ٹاؤن میں سائنسی نمائش کا افتتاح کیا ۔۔۔
ڈپٹی کمشنر نے طالبات کی جانب سے لگائے گئے سائنسی آلات کے آگاہی سٹالز کامعائنہ کیا اور طالبات کی پرفارمنس کو سراہا اور انہیں شاباش دی ۔ اس موقع پر ڈپٹی کمشنر صفی اﷲگوندل نے کہا کہ چنیوٹ ضلع کے ہائی سکولوں میں سائنس ایگزیبیشنز جاری ہیں، محکمہ تعلیم نے بچوں کو فزیکلی پریکٹیکل پرفارم کرنے کے مواقع فراہم کئے ہیں، 18 دسمبر کو ضلعی لیول کے سائنس ، ٹیکنالوجی انجینئر نگ، آرٹس اینڈ میتھمیٹکس کے مقابلے ہوں گے ، آلات،مشینیری اور ماڈلز سے طلباء و طالبات کو آگاہی ملے گی۔ انہوں نے مزید کہا کہ طلباء و طالبات نے سکولوں میں ماڈلز بناکر صلاحیتوں کا عملی مظاہرہ کیا، تعلیمی اداروں میں سائنسی نمائشوں سے بچوں کو سیکھنے کے مواقع ملیں گے ،اس موقع پر ڈی اوز سیکنڈری و ایلیمنٹری محمد عبد الجلیل، خدیجہ بخاری ،ڈپٹی ڈی اوز میڈم زاہدہ عظیم ، روبینہ چودھری ، پرنسپل ادارہ طاہرہ اونگزیب او ردیگر بھی موجود تھے ۔
