عید سکیورٹی پلان ، ون ویلنگ کی روک تھام کیلئے خصوصی انتظامات
فیصل آباد(سٹاف رپورٹر)سٹی پولیس آفیسر صاحبزادہ بلال عمر کی ہدایت پر ضلعی پولیس نے عید الفطر کا سکیورٹی پلان جاری کردیا۔
عید الفطر کے موقع پر890 مساجد ، امام بارگااور کھلے مقام کی سکیورٹی کے انتظامات کیے جائیں گے جبکہ 4000 سے زائد اہلکار و افسر سکیورٹی ڈیوٹی فرائض سرانجام دیں گے ۔ 18جی اوز ، 22سب انسپکٹر ، 370اسسٹنٹ سب انسپکٹر ، 319ہیڈ کانسٹیبل اور 3278کانسٹیبل و لیڈی کانسٹیبل ڈیوٹی سرانجام دیں گی ۔ ٹریفک کی روانی کے لیے ٹریفک پولیس اہلکار تعینات ہوں گے ، جبکہ ون ویلنگ کی روک تھام کے لیے خصوصی پکٹس قائم کی جائیں گی۔ شر پسند اور جرائم پیشہ عناصر کی روک تھام کیلئے شفٹ وائز82 خصوصی پکٹس پر افسر ڈیوٹی سرانجام دیں گے ۔ اسی طرح عوامی مقامات، پارکس اور قبرستانوں پر بھی اہلکار تعینات ہوں گے ، ایلیٹ، ڈولفن فورس، لیڈیز پولیس اورگھوڑا اسکواڈ بھی ڈیوٹی پر تعینات ہوں گے ۔ سی پی او صاحبزادہ بلال عمر کے مطابق فول پروف سکیورٹی انتظامات کے لئے تمام وسائل بروئے کار لائے جائیں گے ۔ شہریوں کے جان و مال کی حفاظت اولین ترجیح ہے جسے یقینی بنایا جائے گا۔
