ایف ڈی اے کی ناجائز قبضہ و تجاوزات کیخلاف مہم جاری
فیصل آباد(سٹاف رپورٹر) ڈائریکٹر جنرل ایف ڈی اے محمد آصف چودھری کی ہدایات پر منظور شدہ ہاؤسنگ سکیموں میں غیر قانونی توسیع اور پبلک یوٹیلٹی سائٹس پر ناجائز قبضہ و تجاوزات کیخلاف خصوصی مہم جاری ہے ،اس سلسلے میں ایف ڈی اے کی انفورسمنٹ ٹیم نے کارروائی کرتے ہوئے ایک ہاؤسنگ سکیم میں بلامنظوری توسیع اور دوسری ہاؤسنگ سکیم میں پبلک پارک سے تجاوزات کا خاتمہ کر دیا۔
تفصیلات کے مطابق ڈائریکٹر ٹاؤن پلاننگ اسما محسن کی زیر نگرانی اسٹیٹ آفیسر فاران صدیق ہاشمی کی سرپرستی میں انسپکٹر اسلم گجر و دیگر سٹاف پر مشتمل ایف ڈی اے کی انفورسمنٹ ٹیم نے مختلف علاقوں میں ہاؤسنگ سکیموں کی قانونی حیثیت کو چیک کیا تو شیخوپورہ روڈ پر قائم ہاؤسنگ سکیم میں منظوری حاصل کئے بغیر توسیع کی جا رہی تھی جس کیخلاف کارروائی کے دوران سڑکوں، سیوریج سمیت غیر قانونی تعمیراتی ڈھانچوں کو مسمار کر دیا گیا۔
