اسلام آباد میں سرچ آپریشن، 21مشکوک افراد تھانے بند
168افراد،129گھروں،29دکانوں،74موٹر سائیکلوں،25گاڑیو ں کی چیکنگ
اسلام آباد (خصوصی رپورٹر) اسلام آباد پولیس نے تھانہ سمبل اور تھا نہ شہزاد ٹائون کے مختلف علاقوں میں گرینڈ سرچ اینڈ کومنگ آپریشن کے دوران 168افراد، 129گھروں، 29دکانوں، 74موٹر سائیکلوں اور 25گاڑیوں کو چیک کیا جبکہ جانچ پڑتال کیلئے چھ افغانیوں سمیت 21مشکوک افراد کو تھانوں میں منتقل کیا گیا۔ اس ایس پی آپریشنز نے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنا اور شہر بھر میں سکیورٹی کو موثر بنانا ہے، سرچ آپریشنز ضلع بھر کے مختلف علاقوں میں کئے جارہے ہیں، اسلام آباد پولیس کا جرائم پیشہ عناصر، قبضہ مافیا اور منشیات فروشوں کیخلاف بلاتفریق کارروائیوں کا سلسلہ جاری ہے۔
روزنامہ دنیا ایپ انسٹال کریں
