ٹو فیزٹرانسفارمز کوتھری فیزمیں تبدیل کرنے کیلئے اقدامات جاری
فیصل آباد(سٹاف رپورٹر)چیف ایگزیکٹو فیسکو انجینئر محمد عامر کے احکامات پر وولٹیج کے مسائل پر قابو پانے کیلئے ٹو فیزٹرانسفارمز کوتھری فیزمیں تبدیل کرنے کیلئے اقدامات جاری ہیں۔
اس سلسلے میں فیسکوکے مختلف آپریشن سرکلز جن میں فرسٹ، سیکنڈ، جھنگ اورسرگودھا سرکل شامل ہیں گذشتہ ماہ کے دوران 19ٹوفیز ٹرانسفارمرز کو تبدیل کر دیا گیا۔ تفصیلات کے مطابق فیسکو فرسٹ سرکل میں 200کے وی اے کے 2 ٹرانسفارمرز، سیکنڈ سرکل میں 100کے وی اے کے 2اور 200کے وی اے کے 9ٹرانسفارمرز، جھنگ سرکل میں 200کے وی اے کا 1 ٹرانسفارمر، سرگودھا سرکل میں 50کے وی اے کے 2 اور 100کے وی اے کے 3 ٹرانسفارمرز کو تبدیل کیا گیا۔ فیسکو ترجمان محمد سعیدرضا کے مطابق ٹو فیز ٹرانسفارمرز کی تبدیلی سے ان علاقوں سے موصول ہونے والی وولٹیج کی کمی بیشی کی شکایات کو دور کرنے میں مدد ملے گی جس سے نہ صرف صارفین کے وولٹیج کے مسائل حل ہوں گے بلکہ صارفین کو بجلی کی مسلسل فراہمی یقینی ہو گی۔
