4گھنٹے تک لوڈشیڈنگ،بجلی صارفین پریشان
گوجرانوالہ(سٹی رپورٹر)موسم سرما میں بھی گیپکو نے بجلی کی لوڈشیڈنگ کا آغاز کردیا ، گیپکو کے کسٹمرز سروسز ڈائریکٹر سمیت فیلڈ کے تمام افسر بجلی کی ترسیل بہتر کرنے کے بجائے ریکوری اور۔۔۔
لائن لاسز پورا کرنے میں مصروف ہیں جبکہ بجلی کی لوڈشیڈنگ شروع ہونے سے شہری اور تاجر پریشان ہوگئے ، موسم سرما میں شہری علاقوں میں 2 گھنٹے اور دیہی علاقوں میں 4گھنٹے کی لوڈشیڈنگ شروع کردی گئی، دسمبر میں بجلی کی ترسیل کم اور پیداوار وافر ہوتی ہے لیکن گیپکو کی حدود میں شامل تمام فیڈرز میں بجلی کی لوڈشیڈنگ کا شیڈول متعلقہ گرڈ سٹیشنز کو جاری کردیا گیا۔ شہریوں کا کہنا تھا کہ ہفتہ میں ایک سے دو روز پہلے ہی مینٹی نینس کے نام پر بجلی کی مسلسل چھ چھ گھنٹے بندش کی جارہی ہے اب روزانہ کی بنیاد پر لوڈشیڈنگ شروع کرنا سمجھ سے بالاتر ہے ۔گیپکو افسر وں کا کہناتھا کہ حکومتی ہدایت اور نیشنل گرڈ کے ترسیلی نظام کے مطابق لوڈشیڈنگ عارضی طور پر کی جارہی ہے ۔
