آ لودگی پر قابو پانے کیلئے ہر فرد کردار اداکرے :انعم بابر
سیالکوٹ (نمائندہ دنیا )حکومت پنجاب کی ہدایت پر اسسٹنٹ کمشنر سیالکوٹ انعم بابر کی زیر صدارت ریونیو کنونشن کا منعقد ہوا جبکہ سموگ کے حوالے سے آگاہی کیلئے واک کا بھی انعقاد کیا گیا۔
اس موقع پر اظہار خیال کرتے ہوئے اے سی سیالکوٹ انعم بابر نے کہا کہ ماحولیاتی آلودگی کی وجہ سے سموگ جیسے مسائل جنم لے رہے ہیں، ماحول کو انسان دوست بنانے کیلئے معاشرے کے ہر ذمہ دار فرد کو اپنا کردار ادا کرنا ہوگا۔ انہوں نے نمبردار وں ، ریونیو افسر وں ، سٹاف اور محکمہ زراعت کے اہلکاروں کو ہدایت کی کہ یقینی بنایا جائے کہ کاشتکار گندم کی کٹائی کے بعد مڈھوں کو زمین میں ملائیں اور آگ نہ لگائیں، آگ لگانے سے جہاں ماحولیاتی آلودگی میں اضافہ ہوتا ہے وہی پر زمین کی زرخیزی متاثر ہوتی ہے ۔ اجلاس میں نمبرداروں، کسانوں، کاشتکاروں کے نمائندگان اور ریونیو افسر اور سٹاف بھی موجود تھا۔ بعد ازاں اسسٹنٹ کمشنر سیالکوٹ انعم بابر کی زیر صدارت ریونیو ریسٹ ہاؤس تا ضلع کچہری چوک تک سموگ آگاہی ریلی بھی نکالی گئی۔
