گوجرانوالہ بورڈ کے زیر اہتمام انٹر کالجیٹ لان ٹینس مقابلے
گوجرانوالہ (نیوز رپورٹر)گوجرانوالہ تعلیمی بورڈ کے زیر اہتمام انٹر کالجیٹ لان ٹینس کے مقابلوں کا انعقاد ہوا جس میں کھلاڑیوں نے شاندار کارکردگی کا مظاہرہ کیا ۔ اس چیمپئن شپ میں پنجاب گروپ آف کالجز کے طالبعلموں نے پہلی پوزیشن حاصل کی ۔
تفصیلات کے مطابق سٹی سپورٹس کمپلیکس گوجرانوالہ میں انٹر کالجیٹ 2024لان ٹینس کے مقابلوں کا انعقاد ہوا ۔جس میں ریجن بھر سے نو کالجز کی کھلاڑیوں نے حصہ لیا۔جن کے درمیان سخت مقابلے ہوئے ۔ فائنل کیلئے پنجاب کالج گوجرانوالہ اور اسپائیر کالج کی ٹیموں نے کوالیفائی کیا۔فائنل میچ میں پنجاب کالج کی ٹیم نے سخت مقابلے کے بعد 2-1سے چیمپئن شپ جیت لی۔ کھلاڑیوں کا کہنا تھا کہ انہیں لان ٹینس کھیل کر بہت اچھا لگا ہے ۔اگر انہیں سہولیات فراہم کی جائیں تو وہ اس کھیل میں دنیا بھر میں پاکستان کا نام روشن کر سکتے ہیں۔ اس موقع پرڈائریکٹر سپورٹس پنجاب کالج محمد ریاض نے چیمپئن شپ جیتنے والی کھلاڑیوں کو مبارک باد دی جبکہ ڈائر یکٹر ایڈ منسٹریشن پنجاب گروپ آف کالج پرفیسر محمد شہزاد رفیق نے کھلاڑیوں کی کارکردگی کو سراہتے ہوئے انہیں نقد انعامات دئیے اور آئندہ بھی مزید محنت کر نے کی تلقین کی۔
