27دن گزر گئے ریلوے سٹیشن کا ٹرانسفارمر نہ لگ سکا،مسافر پریشان،آن لائن بکنگ بند
گوجرانوالہ(نیوز رپورٹر)گوجرانوالہ کے ریلوے سٹیشن کا ٹرانسفارمر چوری ہوئے 27دن گزر گئے ابھی نیا ٹرانسفارمر نہیں لگا۔
ریلوے سٹیشن پر بجلی کا نظام درہم برہم ہو گیا،مسافروں کا برا حال ہے ۔آن لائن ٹکٹ بکنگ کا نظام بھی بند ہو گیا ۔دو دراز علاقوں سے ٹکٹیں کروانے آنے والے مسافر پریشان ہیں جب کہ ریلوے سٹیشن کا عملہ ٹارچ کی روشنی میں کام کرنے پر مجبور ہے ۔بجلی نہ ہونے سے سٹیشن کے واش رومز بھی بند ہیں پینے کا پانی بھی دستیاب نہیں ہے ۔شام ڈھلتے ہی سٹیشن اندھیرے میں ڈوب جاتا ہے ۔مسافروں کا کہنا ہے کہ انہیں ٹکٹ کے حوصول کے لیے کافی دشواری کا سامنا ہے جب ٹکٹ لینے آتے ہیں تو یہ کہہ کرواپس بھیج دیتے ہیں کہ لائٹ نہیں ہے ۔تھوڑی دیر بعد آئیں جب جنریٹر چلے گا ٹکٹ مل جائے گی۔مسافروں کا کہنا تھا کہ پانی بھی سٹیشن پر دستیاب نہیں ہے اعلیٰ حکام سے مطالبہ ہے کہ سٹیشن پر جلد سے جلد ٹرانسفارمر لگایا جائے ، تاکہ سٹیشن کی بجلی بحال ہو اور ان کی مشکلات حل ہو سکیں۔
