کامونکے :ڈکیتی کی وارداتیں،نقدی، زیورات چھین لئے
کامونکے (نامہ نگار )ڈکیتی کی 9 مختلف وارداتوں میں لاکھوں روپے نقدی،طلائی زیورات اور موبائل فونز لوٹ لئے گئے ۔
گزشتہ روز نواحی گاؤں ننگل دونا سنگھ کا بابر خاں جی ٹی روڈ پر واقعہ نجی بینک سے تین لاکھ پینتیس ہزارروپے نکلواکر جارہا تھا کہ موٹر سائیکل سوار دو ڈاکو بینک کے قریب ہی اُس سے رقم چھین کرلے گئے ۔پاک ٹاؤن کے حذیفہ سے دو ڈاکو راجباہ روڈ پرسنتالیس ہزارروپے اور موبائل فون چھین کر لے گئے ۔محلہ کرمانوالہ کے اویس اور اُسکے دوست حارث سے ٹبہ محمد نگر کے قریب دو ڈاکو مجموعی طور پر سولہ ہزارروپے اور دو موبائل فون چھین کر فرار ہوگئے ۔ماڈل ٹاؤن کے علی رضا کی والدہ صفیہ کے کانوں سے ایک ڈاکو طلائی بالیاں نوچ کر لے گیا۔ گھرمیں داخل ہوکر دو ڈاکوفیض مدینہ کے عبدالخالق اوراُسکے اہلخانہ سے نوے ہزارروپے ،تین تولے طلائی زیورات اور موبائل فونز لوٹ کر لے گئے ۔مٹھو بائیکے کے اشفاق سے ہر پوکی جاتے ہوئے راستہ میں نہر کے پُل پر دو ڈاکو ایک لاکھ پینتالیس ہزارروپے چھین کر لے گئے ۔تمبولی کے سبطین سے ریلوے پھاٹک پر دو ڈاکو ساڑھے تین ہزارروپے اور موبائل فون چھین کر لے گئے ۔گھر میں گھس کر تین ڈاکو نواحی گاؤں سنت پورہ کے مقصود اُسکے اہلخانہ سے پچانوے ہزارروپے اور تین تولے طلائی زیورات چھین کر لے گئے ۔جبکہ ماڑی ٹھاکراں کے حامد ناصر سے دو ڈاکو بائیس سو روپے اور موبائل فون لے گئے ۔پولیس نے مقدمات درج کرلیے ہیں۔
