کھیلتا پنجاب ،ایتھلیکٹس،بیڈ منٹن گرلز مقابلے اختتام پذیر
گوجرانوالہ(نیوز رپورٹر) کھیلتا پنجاب گیمز کے ایتھلیکٹس اور بیڈ منٹن گرلز کے مقابلے اختتام پذیر ہوگئے ہیں۔
، تعلیمی بورڈ کی گرائونڈ میں ایتھلیکٹس گرلز کے آٹھ مختلف مقابلوں میں گرلز نے بہتریں کھیل پیش کیا۔ نتائج کے مطابق جیولین تھرو میں زہرہ جہانگیر نے پہلی اور پاکیزہ نے دوسری پوزیشن حاصل کی، ڈسکس تھرو میں عائشہ ریاض نے پہلی، عائشہ سلیم نے دوسری پوزیشن حاصل کی،لانگ جمپ میں پاکیزہ نے پہلی اور عائشہ نورین نے دوسری پوزیشن حاصل کی، ہائی جمپ میں سحر نے پہلی اور عروج نے دوسری پوزیشن حاصل کی، اسی طرح آٹھ سو میٹر ریس میں جوریہ انور نے پہلی اور شائیفہ نے دوسری پوزیشن حاصل کی، چار میٹر ریس میں مالیکا شہزادی نے پہلی فروا پرویز نے دوسری پوزیشن حاصل کی، دو سو میٹر ریس میں فروا پرویز نے پہلی اور عشاء اظہر نے دوسری پوزیشن حاصل کی، سو میٹر ریس مالیکا شہزادی نے پہلی پوزیشن حاصل کرکے میدان مارا، اسی طرح بیڈ منٹن کے انٹر کلب گرلز فائنل مقابلے میں پروین اختر بیڈ منٹن کلب نے پہلی سٹار بیڈ منٹن کلب نے بیڈ منٹن مقابلوں میں دوسری پوزیشن حاصل کی۔ مہمان خصوصی لیگی ایم پی اے صائمہ زاہد، ڈویژنل سپورٹس آفیسر فیصل امیر خان اور ڈسٹرکٹ سپورٹس آفیسر رانا سجاد خان تھے ۔ جنہوں نے ایونٹ میں شریک کھلاڑیوں کی بھرپور حوصلہ افزائی کی۔ اس موقع پر تحصیل سپورٹس آفسران رانا فرمان کوثر، اعظم پال، علی حیدر، تنویر عباس، ثمینہ اور ڈائریکٹر سپورٹس پنجاب کالج محمد ریاض اور دیگر بھی موجود تھے ۔
