بی آ ر بی کی پٹڑی پر دھول اڑاتی ٹر یکٹر ٹرالیاں وبال جان
منڈیکی گورائیہ(نامہ نگار )نہر بی آر بی ڈسکہ کی پٹڑی پر مٹی سے بھری ٹریکٹرٹرالیو ں کی اڑنے والی دھول نے علاقہ مکینوں کا جینا محال کردیا۔۔۔
نہر بی آربی ڈسکہ کی کچی پٹری سے گزرنے والی مٹی کی بھری ٹریکٹرٹرالیوں کی وجہ سے دھول اڑانا معمول بن چکا ہے ،مٹی کی ٹرالیوں کی دھو ل نے علاقہ مکینوں کا جینا محال کردیا ، علاقہ مکین مٹی کی ٹریکٹرٹرالیوں کی دھول کی وجہ سے موذی امراض میں مبتلا ہورہے ہیں مگر کوئی بھی اس طرف دھیان نہیں دے رہا، بغیر ترپال کے مٹی سے بھری ٹریکٹرٹرالیاں دھول اڑاتی پھر رہی ہیں اور بعض دفعہ ان مٹی کی ٹریکٹرٹرالیوں کی دھول موٹرسائیکل سواروں کی آنکھوں میں پڑ جاتی ہے جس سے حادثات رونما ہورہے ہیں ۔علاقہ مکینوں نے اعلیٰ حکام سے نوٹس لینے کامطالبہ کیاہے ۔
روزنامہ دنیا ایپ انسٹال کریں
