ڈسکہ :سیوریج کا مسئلہ جوں کا توں ، سڑکوں پر پانی جمع
ڈسکہ (نامہ نگار ) ڈسکہ میں سیوریج کا دیرینہ مسئلہ حل نہ ہو سکا، گندا پانی جمع شہری گندے پانی سے گزرنے پر مجبور، سیاسی نمائندوں پر شدید تنقیدحکومتی اور سیاسی نمائندوں کے بلند بانگ دعوؤں کے باوجود ڈسکہ کا دیرینہ مسئلہ سیوریج کا نظام ٹھیک نہ ہوسکا ۔۔۔
ڈسکہ شہر کی سڑکوں نسبت روڈ ،سمبڑیال روڈ ،پرانا ڈسکہ کے گلی محلوں اور بازاروں میں گٹروں اور نالیوں کا پانی کھڑا ہے ، تحصیل ڈسکہ مسلم لیگ (ن) کا گڑھ ہے اور عرصہ دراز سے مسلم لیگ (ن) ہی کامیاب ہوتی آئی ہے مگر کامیاب ہونے کے بعد عوامی نمائندے ڈسکہ شہر کے مسائل حل کروانے کی طرف توجہ نہیں دیتے ، ہر سال منتخب نمائندوں کی طرف سے شہریوں کو لالی پاپ دے دیا جاتا ہے کہ آئندہ سال میں ڈسکہ شہر کا دیرینہ سیوریج کا مسئلہ ٹھیک ہو جائیگا، اب سال 2024 بھی گزر گیا ہے اور سال 2025 آ گیا ہے مگر ڈسکہ شہر کا سیوریج کا مسئلہ جوں کا توں ہے ، ڈسکہ شہر کی گلی محلوں بازاروں اور سڑکوں پر گٹروں اور نالیوں کا گندا پانی کھڑا ہے ، اسی گندے پانی سے خواتین نو جوان، بزرگ، مرد، بچے طلباء وطالبات گزرنے پر مجبور ہیں مگر سیاسی نمائندوں نے آج تک اس مسئلہ کی طرف توجہ نہیں دی۔
