احمد نگر چٹھہ میں دن دہاڑے وا رداتیں ، شہریوں کا احتجاج

احمد نگر چٹھہ میں دن دہاڑے وا رداتیں ، شہریوں کا احتجاج

احمد نگر چٹھہ (نمائندہ دنیا )احمد نگر کچے کا علاقہ بن گیا وارداتیں تھم نہ سکیں، دن دہاڑے ڈکیتی کی ایک اور واردات ڈاکو گن پوائنٹ پر 6 لاکھ لوٹ کر فرار متاثرہ افراد کا مین روڈ بلاک کر کے پولیس کے خلاف شدید احتجاج ۔

لدھے والہ چیمہ کے قریب موٹر سائیکل سواروں نے دن دہاڑے گن پوائنٹ پر محمد زاہد سکنہ لدھیوالہ چیمہ سے 235000اور ولی محمد سکنہ لدھیوالہ چیمہ سے 362000 روپے لوٹ لئے ،دونوں افرادجیسے ہی مال مویشی منڈی میں فروخت کرکے گاڑی پر سوار ہو کر اپنے گاوں کے پاس پہنچے تو دو نامعلوم مسلح رائفل بسواری موٹر سائیکل آ ئے اور رقم چھین کر ہوائی فائرنگ کرتے بیگہ خورد کی طرف فرار ہو گئے ۔متاثرہ افراد اور شہریوں نے مین روڈ احمد نگر تا کلاسکے مکمل بند کر کے پولیس کے خلاف شدید احتجاج کرتے ہوئے کہا آئے روز وارداتوں کا سلسلہ عروج پر پہنچ چکا ہے ،مقامی پولیس کی طرف سے درجنوں وارداتوں میں سے ایک بھی واردات کے ملزم ٹریس نہیں ہو سکے جس سے ثابت ہوتا ہے پولیس ڈاکوئو ں کے ساتھ ملی ہوئی ہے ۔ بعد ازاں ایس ایچ او بلال بٹ کی متاثرہ افراد سے ڈاکوئوں کی گرفتاری کی یقین دہانی پر روڈ کو کھول دیا گیا ۔

 

روزنامہ دنیا ایپ انسٹال کریں